Санкт-Петербург метро терактида судланувчилар айбловни тан олмади

Санкт-Петербург метро терактига алоқадорликда айбланаётган ўзбекистонлик ва қирғизистонлик судланувчилар айбловни тан олмади, деб хабар бермоқда Фонтанка.ру
Суд залида ҳозир бўлган 11 нафар судланувчининг барчаси жўр овозда айбловни тан олмаслигини билдирган.

Судланувчи Ш.К.нинг айтишича, унга қўлга олишаётган пайтда тергов органи ходимлари детонатор, микросхема ва бомбани ўзлари “ташлаб” қўйишган. У мосламаларни қўлтиғи ва сочига куч билан суртишгани, шу орқали буюмларда биологик парча излар қолганини тушунтирган.

Нашр маълумотига кўра, суд залида ишга у қадар алоқадор бўлмаган айбланувчилар олиб келинган. Терактни уюштирганликда гумон қилинаётган асосий шахслар ҳамон қидирувда. Уларнинг бири ўзбекистонлик Б.М. бўлиб, бошқа бир қатор жиноятларни ҳам содир этганликда қидирув эълон қилинган.
Маълумот учун, Санкт-Петербург метро теракти 2017 йил 3 апрел куни содир этилган.