Туркияда маҳаллий сайловларнинг дастлабки натижалари эълон қилинди

Туркияда 31 март куни ўтган маҳаллий сайловларда мамлакат президенти Ражаб Тоййиб Эрдўған етакчилик қилувчи Туркия адолат ва тараққиёт партиясидан (АТП) номзодлар Анқара ва Истанбул мэри учун сайловларда етакчилик қилмоқда, Измирда эса мухолифатга ютқизмоқда. Бундан сайловларнинг дастлабки натижалари дарак бермоқда.
31 фоиз овозлар ҳисоб-китоб қилингандан кейин Истанбул мэри лавозими учун АТПдан номзод, Эрдўғаннинг яқин сафдоши, собиқ бош вазир Бинали Йилдирим 51,6 фоиз овоз билан, Анқарада эса 26 фоиз овоз ҳисоб-китоб қилингандан кейин АТП раиси ўринбосари Мехмет Озхасеки 50,6 фоиз овоз билан етакчилик қилмоқда. 
Умуман олганда сайловларда АТП номзодлари етакчилик қилмоқда.
Ушбу сайловларда Туркиянинг етакчи сиёсий партиялари ўтган йилги парламент ва президент сайловларидаги каби иккита йирик сиёсий блокка: “Халқ иттифоқи” (Cumhur İttifakı) ва “Миллат иттифоқи”га (Millet İttifakı) бирлашган. “Халқ иттифоқи” АТП ва Миллий ҳаракат партияси томонидан шакллантирилган. Бу блокнинг асосий рақиби “Миллат иттифоқи” эса Халқ-республикаси партияси ва Яхши партиядан ташкил топган.