Жанубий Кореяда коронавируснинг учинчи тўлқини кузатилмоқда
Жанубий Кореяда рекорд сонда кунлик касалланиш ҳолатлари қайд этилаётгани сабабли пандемияга қарши янги қатъий чоралар киритилмоқда. Чекловлар 24 декабрдан 3 январгача амал қилади.
Ҳукумат мамлакатда коронавируснинг учинчи тўлқини бошланганини эълон қилиб, Янги йил нишонланиши вақтида қатъий чекловлар киритишга қарор қилди.
Жанубий Кореяда 22 декабрда рекорд сонда кунлик касалланиш ҳолатлари қайд этилди ва уларнинг сони 1092тани ташкил қилди. Мамлакатда касалланганларнинг умумий сони 52 мингдан ошди. Улардан 13 мингдан кўпроғи охирги 2 ҳафта ичида аниқланган.
23 декабр ҳолатига кўра, мамлакатда 15 мингдан кўпроқ киши коронавирусдан даволанмоқда, улардан 284 нафари оғир аҳволда қолмоқда. Шу сабабли интенсив давволаш учун ўринлар етишмаслиги борасида хавотир пайдо бўлган.
Вирус асосан аҳоли зич бўлган пойтахт Сеулда жадал тарқалмоқда.
Жанубий Корея баҳорда карантин чекловларини киритмай, инфекция тарқалишини тўхтата олгандан кейин пандемияга қарши кураш бўйича ўрнак қилиб кўрсатилганди.
Фуқаролар Янги йил байрамини экстремал шароитларда ўтказишга тўғри келишини мамлакат бош вазири Чон Се Гюн 22 декабрдаги йиғилишда маълум қилган.
“Биз учинчи тўлқинни 3-даражадаги ижтимоий масофалашувдан кўра кучлироқ чоралар билан енгмоқчимиз”, деб айтган Чон Се Гюн.
Мамлакатда 24 декабрдан 3 январгача 5 кишидан кўпроқ бўлиб йиғилиш тақиқланади, диққатга сазовор сайёҳлик жойлари, тоғ-чанғи курортлари ва қишки спорт турларининг бошқа объектлари ёпилади.
Шунингдек, вируснинг биринчи тўлқинида инфекциянинг тарқалиш ўчоғига айланган қариялар уйлари ва руҳий касалликлар шифохоналарига ташриф буюриш тақиқланади.
Ресторанлар ва супермаркетларда ижтимоий масофалашувнинг қатъийроқ чоралари амал қилади. У ерларга киришда одамлар тана ҳарорати ўлчанади.
Ҳукумат мамлакатда коронавируснинг учинчи тўлқини бошланганини эълон қилиб, Янги йил нишонланиши вақтида қатъий чекловлар киритишга қарор қилди.
Жанубий Кореяда 22 декабрда рекорд сонда кунлик касалланиш ҳолатлари қайд этилди ва уларнинг сони 1092тани ташкил қилди. Мамлакатда касалланганларнинг умумий сони 52 мингдан ошди. Улардан 13 мингдан кўпроғи охирги 2 ҳафта ичида аниқланган.
23 декабр ҳолатига кўра, мамлакатда 15 мингдан кўпроқ киши коронавирусдан даволанмоқда, улардан 284 нафари оғир аҳволда қолмоқда. Шу сабабли интенсив давволаш учун ўринлар етишмаслиги борасида хавотир пайдо бўлган.
Вирус асосан аҳоли зич бўлган пойтахт Сеулда жадал тарқалмоқда.
Жанубий Корея баҳорда карантин чекловларини киритмай, инфекция тарқалишини тўхтата олгандан кейин пандемияга қарши кураш бўйича ўрнак қилиб кўрсатилганди.
Фуқаролар Янги йил байрамини экстремал шароитларда ўтказишга тўғри келишини мамлакат бош вазири Чон Се Гюн 22 декабрдаги йиғилишда маълум қилган.
“Биз учинчи тўлқинни 3-даражадаги ижтимоий масофалашувдан кўра кучлироқ чоралар билан енгмоқчимиз”, деб айтган Чон Се Гюн.
Мамлакатда 24 декабрдан 3 январгача 5 кишидан кўпроқ бўлиб йиғилиш тақиқланади, диққатга сазовор сайёҳлик жойлари, тоғ-чанғи курортлари ва қишки спорт турларининг бошқа объектлари ёпилади.
Шунингдек, вируснинг биринчи тўлқинида инфекциянинг тарқалиш ўчоғига айланган қариялар уйлари ва руҳий касалликлар шифохоналарига ташриф буюриш тақиқланади.
Ресторанлар ва супермаркетларда ижтимоий масофалашувнинг қатъийроқ чоралари амал қилади. У ерларга киришда одамлар тана ҳарорати ўлчанади.
Комментарии (0)