Шереметьево аэропортининг янги терминали ўз ишини бошлади (фото)
17 январда Москвадаги Шереметьево аэропортининг янги терминали - C1 очилди. Терминалнинг очилишида бир қатор мансабдор шахслар, жумладан Росавиация раҳбари Александр Нерадько, Россия транспорт вазири ўринбосари Александр Юрчик, аэропорт директорлар кенгаши раиси Александр Пономаренко ва бош директори Михаил Василенко иштирок этишган.
Терминал “Аэрофлот” авиакомпаниясининг халқаро рейслари учун мўлжалланган.
Таъкидланишича, янги терминалга “Аэрофлот”нинг Хельсинки-Москва рейси йўловчилари биринчи бўлиб етиб келишади. Авиакомпания бош директори Виталий Савельев маълум қилганидек, компания секин-аста янги терминалга халқаро рейсларини ўтказишни бошлайди. Йил ўртасигача у ерга 260 та рейсни ўтказиш режалаштирилган.
C1 терминали Шереметьево аэропортининг 5-сонли терминали бўлди. У B терминал билан бирлашган бўлиб, майдони 127 минг квадрат метрни ташкил қилади. Терминал D, E ва F терминаллари билан ер ости поезди билан боғланган.
Терминалнинг бир йиллик йўловчи ўтказиш қуввати 20 млн йўловчини ташкил қилади. Бунинг эвазига бутун Шереметьево аэропортининг бир йиллик йўловчи ўтказиш қуввати 80 млн кишигача ошиши кутилмоқда.
С1 қурилиши 2017 йил апрелдан олиб борилган. Терминалнинг қурилиши 6 қаватли автотураргоҳ билан бирга 32 млрд рублга айланган.
Янги терминалда 4 та бизнес-зал ва битта VIP-зал бор. Шунингдек, унда дўконлар, ресторан ва кафелар, ухлаш ва ҳордиқ чиқариш ҳамда компьютерларга эга ишчи ҳудудлар мавжуд.
2024 йилда Шереметьевода С2 терминали қурилиши бошланиши мумкин.
Терминал “Аэрофлот” авиакомпаниясининг халқаро рейслари учун мўлжалланган.
Таъкидланишича, янги терминалга “Аэрофлот”нинг Хельсинки-Москва рейси йўловчилари биринчи бўлиб етиб келишади. Авиакомпания бош директори Виталий Савельев маълум қилганидек, компания секин-аста янги терминалга халқаро рейсларини ўтказишни бошлайди. Йил ўртасигача у ерга 260 та рейсни ўтказиш режалаштирилган.
C1 терминали Шереметьево аэропортининг 5-сонли терминали бўлди. У B терминал билан бирлашган бўлиб, майдони 127 минг квадрат метрни ташкил қилади. Терминал D, E ва F терминаллари билан ер ости поезди билан боғланган.
Терминалнинг бир йиллик йўловчи ўтказиш қуввати 20 млн йўловчини ташкил қилади. Бунинг эвазига бутун Шереметьево аэропортининг бир йиллик йўловчи ўтказиш қуввати 80 млн кишигача ошиши кутилмоқда.
С1 қурилиши 2017 йил апрелдан олиб борилган. Терминалнинг қурилиши 6 қаватли автотураргоҳ билан бирга 32 млрд рублга айланган.
Янги терминалда 4 та бизнес-зал ва битта VIP-зал бор. Шунингдек, унда дўконлар, ресторан ва кафелар, ухлаш ва ҳордиқ чиқариш ҳамда компьютерларга эга ишчи ҳудудлар мавжуд.
2024 йилда Шереметьевода С2 терминали қурилиши бошланиши мумкин.
Комментарии (0)