Интернетда Олмаотадаги авиаҳалокат видеоси эълон қилинди

Авиаҳалокат видеоси YouTube’даги Joella Horn каналида жойлаштирилган. Воқеа кузатув камераларида қайд қилинган. Роликда дастлаб бетон деворни ва қор билан қопланган йўлни, сўнгра соат 07:23:14’да самолётнинг ерга қулагани ва қорда сирпаниб келиб, бетон деворга урилганини кўриш мумкин.    
Bek Air авиакомпаниясининг Олмаота-Нур-Султон рейсини бажарган самолёти 27 декабрь тонгида ҳавога кўтарилиш вақтида Олмаота аэропорти яқинида қулаганди. Воқеа вақтида унинг бортида 93 йўловчи ва экипажнинг 5 аъзоси бўлган. Авиаҳалокат 12 кишининг умрига зомин бўлди.