Британияда ҳалок бўлган 39 вьетнамликдан 16 нафарининг жасади ватанига жўнатилди
Октябрда Британияда юк машинаси ичида ўлик ҳолда топилган 39 вьетнамликнинг 16 нафари жасади Вьетнамга жўнатилди. Бу ҳақда VnExpress нашри хабар берди. Таъкидланишича, жасадлар ортилган самолёт маҳаллий вақт билан соат 5да Ханойдаги Нойбай аэропортига қўнган. Қолган жасадлар ҳам кейинроқ Вьетнамга етказилади.
Эссекс графлиги полицияси 23 октябрда Британияга Бельгиядан келган юк машинасида 39 жасадни аниқлаганди. Ҳалок бўлганлар дастлаб хитойликлар деб тахмин қилинган, бироқ кейинроқ улар вьетнамлик бўлгани аниқланган. Полиция ушбу воқеа бўйича бир неча кишини, жумладан юк машинаси ҳайдовчиси 25 ёшли Морис Робинсонни ҳибсга олган.
Комментарии (0)