Туркия Европа ва АҚШга ИШИД жангариларини депортация қилишни бошлади

8 ноябрь куни Туркия ички ишлар вазири Сулаймон Сойлу Туркия 11 ноябрдан асирга олинган ИШИД жангариларини ўз юртларига чиқариб юборишни бошлаши ҳақида маълум қилганди.
Туркия душанба куни хорижлик террорчиларни ўз юртларига депортация қилишни бошлади.
Юридик процедуралар якунланганидан сўнг келиб чиқиши АҚШдан бўлган террорчи Туркиядан ўз ватанига чиқариб юборилди, дейилади "Анадолу" агентлиги хабарида.
Бундан ташқари, германиялик террорчининг депортацияси бўйича ҳам ҳужжат тайёрланмоқда. Кун давомида яна бир террорчи Данияга жўнатилади.
Шу тарзда сутка давомида Туркиядан уч нафар террорчи чиқариб юборилади. 14 ноябрь куни Германияга етти нафар террорчи депортация қилинади.
8 ноябрь куни Туркия ички ишлар вазири Сулаймон Сойлу Туркия 11 ноябрдан асирга олинган ИШИД жангариларини ўз юртларига чиқариб юборишни бошлаши ҳақида маълум қилганди.
Сойлунинг таъкидлашича, Туркияда 1200га яқин ИШИД жангариси сақланаётган бўлиб, Сурия шимолидаги операция чоғида яна 287 жангари қўлга олинган.