Трамп АҚШнинг Суриядаги асосий вазифаси нефть устидан назоратни сақлаш эканлигини айтди

Аввалроқ Россия ташқи ишлар вазирлигининг расмий вакили Мария Захарова АҚШни Сурия шимоли-шарқидан ноқонуний равишда нефть олиб чиқиб кетишда айблаганди.  

АҚШ президентининг сўзларига кўра, Суриядаги нефть манбаларини сақлаб қолиш Вашингтон учун муҳим ҳисобланади.
АҚШ президенти Дональд Трамп журналистлар билан мулоқотида Суриядаги вазиятдан қониқиш ҳосил қилаётганини билдирди.
«Ўт очишни тўхтатиш режими муваффақиятли давом этмоқда. Биз озгина чекиндик, аммо нефтни сақлаб қолдик. Чегарани бошқалар қўриқлайверсин. Бизга бунинг кераги йўқ. Биз аскарларни уйга қайтаришимиз керак, аммо улар бу ерда қолишади, чунки нефть устидан назоратни сақлашимиз лозим», — деди Трамп.
Аввалроқ Россия ТИВ расмий вакили Мария Захарова АҚШни Сурия шимоли-шарқидан ноқонуний равишда нефть олиб чиқиб кетишда айблаганди.