Қиролича Елизавета II Британия парламентига муддатдан аввал сайловлар ўтказилишини маъқуллади

Британия қироличаси Елизавета II 2019 йил 12 декабрда парламентга муддатдан аввал сайловлар ўтказилишига розилик берди. Бу ҳақда Британия парламенти қуйи палатаси спикери Жон Беркоу маълум қилди.  

Фото: AP
Британия ОАВ таъкидлашича, сайловлар ўтказилиши ҳақидаги қонун лойиҳаси энди қонуний кучга эга бўлди.  
Британия бош вазири Борис Жонсон парламентга муддатдан аввал сайловлар ўтказилиши ташаббусини кўриб чиқиш учун киритганди, бироқ бу ташаббус уч марта ҳам депутатларнинг учдан икки овозини тўплай олмаган.
Шундан кейин Жонсон парламентга ташаббус эмас, қабул қилиниши учун кўпчилик овоз кифоя қиладиган қонун лойиҳасини кўриб чиқишга киритишини айтган.
Сўнгра у бўйича парламентда овоз берилган. Сайловлар ўтказилишини 438 депутат қўллаб-қувватлаган, 20 депутат унга қарши чиққан.