Путин ва Эрдўғаннинг Сочидаги музокаралари: чегара ҳудудини рус ва турк қўшинлари биргаликда қўриқлашади
Россия президенти Владимир Путин ўзининг Сочидаги Бочаров Ручей қароргоҳида Туркия президенти Ражаб Тоййиб Эрдўған билан бўлиб ўтган олти соатлик музокаралардан сўнг Москва ва Анқара Сурия шимолидаги ҳолат бўйича бир қанча келишувларга эришганини эълон қилди.
Фото: РИА "Новости"
РИА Новостига кўра, Россия етакчиси ушбу келишувларни «тақдирларни ҳал қилувчи бўлмаса-да, жуда муҳим», деб атаган.
«Келишувлар бугунги кунда Сурия-Туркия чегарасида пайдо бўлган ўткир вазиятни ечишга хизмат қилади», — деган Путин.
Президентлар Суриянинг бирлиги ва ҳудудий яхлитлиги, Туркия миллий хавфсизлигини таъминлашга содиқлигини тасдиқлашган ва Адана битимини қўллаб-қувватлашган.
«Тинчлик булоғи» операцияси ўтказилаётган Телл-Абъяд ва Рас-ул-Айн ҳудудларидаги 32 километр ичкарига кирган мавжуд статус-кво сақланиб қолиши белгиланган.
Туркия операциясидан ташқаридаги ҳудудга чоршанба куни тушдан бошлаб суриялик ҳарбийлар ва Россия ҳарбий полицияси кириб боради. Улар 150 соат мобайнида курд озодлик кучлари ҳамда уларга тегишли қурол-яроғларни чегарадан 30 километр узоқлаштиришга кўмак беришади.
Шу ондан бошлаб Россия-Туркия қўшинлари биргаликда Қамишли шаҳридан ташқари чегарадан 10 километр ичкарида «Тинчлик булоғи» операцияси ўтаётган ҳудуддан ғарбга ва шарққа томон қўриқлашни бошлашади.
Меморандумга кўра, курд бўлинмалари Манбиж, Телл-Рифатдан олиб чиқиб кетилади.
Меморандум Москва ва Анқара Сурия-Туркия чегарасидан террорчилар ўтишининг олдини олишларини назарда тутади ва қочқинларни ўз ихтиёри билан бехавотир қайтишларига ёрдам беради.
Икки давлат раҳбари шунингдек, Сурия бўйича меморандумнинг бажарилишини кузатиш бўйича қўшма механизм яратиш ҳақида келишиб олишди.
Ҳужжатда таъкидланишича, икки томон Сурия можаросини Остона жараёни доирасида сиёсий йўл билан ҳал қилиш устида иш олиб боришда давом этишади ва Конституциявий кенгаиш фаолиятини қўллаб-қувватлашади.
Туркия президенти Ражаб Тоййиб Эрдўған Туркия ва Россия Сурия шимолида айирмачилик ҳолатларига йўл қўймаслигини таъкидлаган.
«Бугун ҳурматли Владимир Владимирович билан террорчиликка қарши кураш ва Сурия ҳудудий яхлитлигини сақлаб қолиш масалаларини муҳокама қилдик. Конкрет битим ҳам имзоладик. Бу битимга кўра, Сурия ҳудудларида ҳеч қандай айирмачилик ҳолатлари пайдо бўлишига рухсат этилмайди — Туркия ҳам, Россия ҳам: биз бунга йўл қўймаймиз», — деган Россия президенти билан ўтказилган музокаралардан сўнг Эрдўған.
Суриядаги низони тартибга солиш бўйича Туркия ва Россия ўртасида Сочида имзоланган келишув икки мамлакат муносабатларида янги даврни бошлаб беради, деган Туркия президенти администрациясининг коммуникациялар бўйича департаменти раҳбари Фахриддин Олтун.
«Бу террорчи гуруҳлар билан курашаётган цивилизациялашган давлатлар учун буюк кун. Суриянинг ҳудудий яхлитлиги ва сиёсий бирлиги минтақада барқарор келажак калити ҳисобланади», — деб ёзган Олтун Twitter’да.
Фото: РИА "Новости"РИА Новостига кўра, Россия етакчиси ушбу келишувларни «тақдирларни ҳал қилувчи бўлмаса-да, жуда муҳим», деб атаган.
«Келишувлар бугунги кунда Сурия-Туркия чегарасида пайдо бўлган ўткир вазиятни ечишга хизмат қилади», — деган Путин.
Президентлар Суриянинг бирлиги ва ҳудудий яхлитлиги, Туркия миллий хавфсизлигини таъминлашга содиқлигини тасдиқлашган ва Адана битимини қўллаб-қувватлашган.
«Тинчлик булоғи» операцияси ўтказилаётган Телл-Абъяд ва Рас-ул-Айн ҳудудларидаги 32 километр ичкарига кирган мавжуд статус-кво сақланиб қолиши белгиланган.
Туркия операциясидан ташқаридаги ҳудудга чоршанба куни тушдан бошлаб суриялик ҳарбийлар ва Россия ҳарбий полицияси кириб боради. Улар 150 соат мобайнида курд озодлик кучлари ҳамда уларга тегишли қурол-яроғларни чегарадан 30 километр узоқлаштиришга кўмак беришади.
Шу ондан бошлаб Россия-Туркия қўшинлари биргаликда Қамишли шаҳридан ташқари чегарадан 10 километр ичкарида «Тинчлик булоғи» операцияси ўтаётган ҳудуддан ғарбга ва шарққа томон қўриқлашни бошлашади.
Меморандумга кўра, курд бўлинмалари Манбиж, Телл-Рифатдан олиб чиқиб кетилади.
Меморандум Москва ва Анқара Сурия-Туркия чегарасидан террорчилар ўтишининг олдини олишларини назарда тутади ва қочқинларни ўз ихтиёри билан бехавотир қайтишларига ёрдам беради.
Икки давлат раҳбари шунингдек, Сурия бўйича меморандумнинг бажарилишини кузатиш бўйича қўшма механизм яратиш ҳақида келишиб олишди.
Ҳужжатда таъкидланишича, икки томон Сурия можаросини Остона жараёни доирасида сиёсий йўл билан ҳал қилиш устида иш олиб боришда давом этишади ва Конституциявий кенгаиш фаолиятини қўллаб-қувватлашади.
Туркия президенти Ражаб Тоййиб Эрдўған Туркия ва Россия Сурия шимолида айирмачилик ҳолатларига йўл қўймаслигини таъкидлаган.
«Бугун ҳурматли Владимир Владимирович билан террорчиликка қарши кураш ва Сурия ҳудудий яхлитлигини сақлаб қолиш масалаларини муҳокама қилдик. Конкрет битим ҳам имзоладик. Бу битимга кўра, Сурия ҳудудларида ҳеч қандай айирмачилик ҳолатлари пайдо бўлишига рухсат этилмайди — Туркия ҳам, Россия ҳам: биз бунга йўл қўймаймиз», — деган Россия президенти билан ўтказилган музокаралардан сўнг Эрдўған.
Суриядаги низони тартибга солиш бўйича Туркия ва Россия ўртасида Сочида имзоланган келишув икки мамлакат муносабатларида янги даврни бошлаб беради, деган Туркия президенти администрациясининг коммуникациялар бўйича департаменти раҳбари Фахриддин Олтун.
«Бу террорчи гуруҳлар билан курашаётган цивилизациялашган давлатлар учун буюк кун. Суриянинг ҳудудий яхлитлиги ва сиёсий бирлиги минтақада барқарор келажак калити ҳисобланади», — деб ёзган Олтун Twitter’да.
Комментарии (0)