Европарламент депутати Зеленскийни “кичик диктатор” деб атади

“Украина-ЕИ” уюшмаси қўмитаси вице-президенти, Европарламент депутати Виола фон Крамон-Таубадел Украина президенти Владимир Зеленский мамлакатдаги ҳокимиятни “кичик диктатор” каби ҳимоялаётганини айтди. Бу ҳақда Украина ОАВ маълум қилди.    

Фото: Reuters
Депутатнинг айтишича, Украинадаги сайловларда одамлар ҳокимиятнинг ҳар гал ўзгаришидан кейин ўрнатилган олигархлар таъсирига қарши овоз беришган. Бироқ фон Крамон-Таубадел фикрича, натижада бу юз бермаган.
Аёлнинг таъкидлашича, Украинага тийиб ва мувозанатлаб турувчи механизм керак.
“Акс ҳолда у [Зеленский] парламентни, суд тизимини, оммавий ахборот воситаларини тарқатиб, кичик диктатор каби ҳал қилади”, деб айтган фон Крамон-Таубадел.