Меркель Жонсоннинг Brexit бўйича янги режасини рад этди

Германия канцлери Ангела Меркель Буюк Британия бош вазири Борис Жонсонга Brexit битими Шимолий Ирландия ЕИ божхона иттифоқида қолгандагина имзоланиши мумкинлигини айтиб, Лондоннинг Brexit бўйича янги режасини рад этди. Бу ҳақда Би-Би-Cи сиёсий кузатувчиси Лора Кюнссберг Буюк Британия бош вазири девонхонаси вакилига таяниб маълум қилди.
Акс ҳолда, Меркелнинг фикрича, келишувга эришиш "деярли мумкин эмас", деб ёзади Кюнссберг.
Манбанинг сўзларига кўра, Жонсон Меркелга жавобан Берлиннинг бундай талаби битим тузилишини "имконсиз" қилиб қўйишини айтган.
Агар Би-би-си маълумотлари тасдиқланса, EИнинг Шимолий Ирландияни ЕИ ягона божхона ҳудудида қолдириш нияти Жонсоннинг ўтган ҳафта тақдим этган Brexit режасига мутлақо зиддир.