Ерга қайтувчи «Союз МС-12» экипажи уларни шафтоли ва хурмо билан кутиб олишни сўради

Ерга 3 октябрда қайтадиган «Союз МС-12» экипажи Марказий ҳарбий округнинг қидирув-қутқарув гуруҳи ҳарбийларидан уларни  шафтоли ва хурмо билан кутиб олишни сўради.
«БААлик биринчи астронавт Ҳазза ал-Мансурий хурмо, россиялик космонавт Алексей Овчинин эса шафтоли сўради. Совғалар анъанавий равишда қўниш жойига биринчи бўлиб етиб борадиган барча Ми-8 вертолётлари бортига жойлаштирилган», дейилган хабарда.
Таъкидланишича, қўнишни таъминлашга 12 та Ми-8 вертолёти, 4 та Ан-12 ва битта Ан-26 самолёти, 20 дона автомобил ва махсус техника, шу жумладан 4 та амфибия-машина ҳамда асосий таркибнинг 180 га яқин ходими жалб қилинган.
«Союз МС-12» космик кемасида 3 октябрда россиялик фазогир Алексей Овчинин, америкалик астронавт Ник Хейг ва БААнинг илк астронавти Ҳазза ал-Мансурий Ерга қайтади.