Германияда электромобиллар туфайли 125 минг иш ўрни қисқариши мумкин

Германияда ички ёнув двигателли автомобиллардан электромобилларга ўтиш 125 мингга яқин иш ўрни йўқолишига олиб келиши мумкин. Бу ҳақда Center Automotive Research (CAR) институти таҳлилчилари маълум қилди.
Электромобиллар ишлаб чиқариш кам ишчи кучини талаб қилади. Уларга қиммат аккумуляторлар лозим, лекин механик узатмалар қутиси ва ички ёнув двигателининг бошқа бутловчи қисмлари керак бўлмайди.  
CAR ҳисоб-китобига кўра, Германияда ўн йилдан кейин электромобиллар мамлакатда ишлаб чиқарилаётган машиналарнинг учдан икки қисмини ташкил этади. Уларни ишлаб чиқаришда ҳозирги 834 минг ўрнига 700 минг киши банд бўлади.
Маълум қилинишича, ҳозирда ҳудудида йирик автозаводлар жойлашган федерал ерлар иш ўринларининг эҳтимолий қисқаришига тайёргарлик кўрмоқда.