Хитой АҚШни террорчиликка қарши курашда иккилик стандартларини қўллашда айблади

Хитой АҚШ террорчиликка қарши курашда Хитойни уйғурларни эзишда айблаб, иккилик стандартларидан фойдаланади. Бу фикрни Хитойнинг БМТ Хавфсизлик кенгашидаги вакили билдирди. 
Бундан аввал Хавфсизлик кенгаши йиғилишида АҚШ вакили Жонатан Коэн Хитой Синцзян-Уйғур мухтор округида инсон ҳуқуқларини бузаётганини айтган.
“Террорчиликка қарши курашда иккилик стандартларини рад этишингиз лозим”, деб жавоб қилган Хитой вакили У Хайтао.
Унинг айтишича, Хитой мухтор округда аксилтеррорчилик тадбирларини амалга оширади.
“Хитой томонидан амалга оширилган бу аксилтеррорчилик чоралари террорчилик фаолияти олдини олди ва унинг тарқалишига йўқ қўймади”, деб айтган У Хайтао.
Аввалроқ АҚШ давлат котиби ўринбосари Жон Салливан Бош ассамблеядаги чиқиши вақтида Хитой коммунистик партияси ташкил топгандан бери “барча динларга қарши ўта адоватда экани ва охирги йиллар бу таҳқирлашлар фақат кучайганини” айтган. Унинг айтишича, Хитой ҳукумати Синьцзянда мусулмонларга ибодат қилиш ва Қуръон ўқишга рухсат бермайди, кўплаб масжидларга зиён етказган. Салливан АҚШ БМТни Хитойда инсон ҳуқуқлари бузилиши, жумладан диний эркинликлар ва қарашлар бостирилиши ортидан синчков кузатув олиб боришга чақирган
Хитой ташқи ишлар вазирлиги Салливаннинг бу баёнотига қарши “қатъий норозилик” билдирган.

Энг сўнгги хабарлардан биринчи бўлиб хабардор бўлинг. Kun.uz'ни ижтимоий тармоқларда ҳам кузатинг