АҚШ Эроннинг нефть санкцияларидан йўқотишларини 50 млрд долларга баҳолади

Теҳрон АҚШнинг Эрон нефть тармоғига йўналтирилган санкцияларидан 50 млрд долларгача маблағ йўқотди. Бу ҳақда АҚШнинг Эрон бўйича махсус вакили Брайан Хук маълум қилди.
“Нефть санкцияларининг ўзи тузумни 50 млрд доллардан маҳрум қилди”, деб айтган Хук Asia Society нотижорат ташкилотининг Нью-Йоркдаги тадбирида. 
Унинг таъкидлашича, “Эроннинг “Ҳизбуллоҳ” каби қўғирчоқлари” молиялаштириш етишмаётганидан арз қилмоқда.
Хук бошқа давлатларни ҳам Эронга босим ўтказишга чақирган.
АҚШ 2018 йил майда бир томонлама равишда Эрон билан ядро келишувидан чиққан ва унга қарши санкцияларни, жумладан нефть экспортига эмбаргони тиклаган.

Энг сўнгги хабарлардан биринчи бўлиб хабардор бўлинг. Kun.uz'ни ижтимоий тармоқларда ҳам кузатинг