Сальвадорнинг собиқ президенти қўшимча 2 йиллик қамоқ жазосига ҳукм қилинди

Сальвадор суди мамлакатнинг собиқ президенти Элиас Антонио Сакани суд ходимига пора бериш айблови бўйича 2 йиллик қамоқ жазосига ҳукм қилди. Бу ҳақда La Prensa нашри хабар берди. 
Прокуратура маълумотларига кўра, Сака ўзи иштирок этган фуқаролик иши бўйича маълумот олиш учун пора берган.
Сака 2018 йилда талон-тарожлик ва пул ювганлик учун 10 йиллик қамоқ жазосига ҳукм қилинганди. У коррупция учун жазоланган Сальвадорнинг биринчи собиқ президенти ҳисобланади.
Мамлакатни 2004 йилдан 2009 йилгача бошқарган Сака 2016 йил октябрда коррупция ва давлат маблағларини харжлаб юбориш гумони билан ҳибсга олинган. У, шунингдек, президентлик ваколати тугашигача ҳисобрақамида турган 5 млн долларнинг келиб чиқишини тушунтира олмагандан кейин ноқонуний бойишда айбланган.  

Энг сўнгги хабарлардан биринчи бўлиб хабардор бўлинг. Kun.uz'ни ижтимоий тармоқларда ҳам кузатинг