Колумбияда кичик самолёт қулаши оқибатида 7 киши ҳалок бўлди

Колумбиянинг Попаян шаҳрида кичик самолёт қулаши оқибатида 7 киши ҳалок бўлди. Бу ҳақда El Tiempo нашри хабар берди. 
Самолёт бортида ҳаммаси бўлиб 9 киши бўлган: 2 киши шифохонага етказилган.
Воқеа 15 сентябрь кундузи, самолёт ҳавога кўтарилгандан бир неча дақиқа ўтиб юз берган. 
Тахмин қилинишича, ҳалокатга самолётнинг носозлиги сабаб бўлган.