Эрон Уммон кўрфазида еттита балиқчилик кемасини ушлаганини маълум қилди
Ислом инқилоби қўриқчилари корпуси Уммон кўрфазида еттита балиқчилик кемасини ушлаганини маълум қилди. Бу ҳақда Fars агентлиги хабар берди."Ислом инқилоби қўриқчилари корпуси ҳарбий денгиз кучлари кемалари рухсат этилган масофага риоя қилмаганлиги сабабли 24 нафар экипаж аъзолари хорижликлардан иборат бўлган еттита балиқчилик кемасини ушлади", - дейилади хабарда.
Қайд этилишича, кемалар Жаск порти ҳудудида ушланган.
Июль ойида Ислом инқилоби қўриқчилари корпуси Форс кўрфазида хорижий танкерни қўлга олганди.
Комментарии (0)