Рио-де-Жанейрода қуролланган эркак йўловчилари бўлган автобусни гаровга олди

Рио-де-Жанейрода қуролланган эркак йўловчилари бўлган автобусни гаровга олди, автобус ичида неча киши борлиги ҳозирча аниқ эмас, деб хабар берди Correio Braziliense газетаси.
Воқеа Рио-Нитерой автокўпригида содир бўлган. Хабар қилинишича, Рио-де-Жанейро муниципалитетига кўприк орқали ҳаракатланиш бутунлай ёпилган.
Дастлабки маълумотларга кўра, эркак ўзини ҳарбий полиция офицери деб таништирган. У ҳайдовчидан транспорт воситасини тўхтатишни талаб қилган ва автобус ичига бензин сепиб юбориш билан таҳдид қилмоқда.
Нашрнинг хабар беришича, у уч аёл ва бир эркакни қўйиб юборган.
Ҳозирда ҳуқуқни муҳофаза қилиш органлари вакиллари у билан музокара олиб бормоқда.