Эрдўған Туркия Қримнинг Россия билан бирлашишини тан олмаслигини айтди

Туркия Қримнинг Россия таркибига киритилишини тан олмайди ва қрим татарлар ҳуқуқларини ҳимоя қилишни давом эттиради. Бу ҳақда Туркия раҳбари Ражаб Тоййиб Эрдўған украиналик ҳамкасби Владимир Зеленский билан қўшма матбуот анжуманда маълум қилди. Ҳозирда Зеленский Анқарада расмий ташриф билан қолмоқда.    
“Бугун мен Туркия Украинанинг мустақиллигини ҳамиша қўллаб-қувватлашини яна бир бор тасдиқладим. Қримнинг босиб олинишини Туркия тан олмаган ва тан олмайди. Қрим татарлар – давлатларимиз ўртасидаги алоқанинг муҳим элементидир. Биз қрим татарлар ҳуқуқларини ҳимоя қилиш, уларнинг миллий ўзига хослигини сақлаб қолишни устувор вазифаларимиз деб ҳисоблашни давом эттирамиз”, деб айтган Эрдўған. 
Туркия етакчисининг айтишича, Туркия Украина шарқидаги ихтилофнинг тез орада якунланишига умид қилади. “Биз Минск жараёни ва турк дипломатлари бўлган Европада хавфсизлик ва ҳамкорлик ташкилотининг миссиясини қўллаб-қувватлаймиз. Кеча Украина шарқида 4 ҳарбий ҳалок бўлганидан хабар топдик. Мен Украина президенти ва халқига ҳамдардлик билдираман”, деб қўшимча қилган Эрдўған.