АҚШнинг Россиядаги элчиси истеъфога чиқишга ариза ёзди

АҚШнинг Россиядаги элчиси Жон Ҳантсман президент Дональд Трампга истеъфога чиқишга ариза ёзди. Бу ҳақда Salt Lake Tribune газетаси хабар берди.
Хабарда айтилишича, дипломат ўз лавозимини 3 октябрда тарк этмоқчи.
Нашр ўз сайтида Ҳантсманнинг мактуби нусхасини жойлаштирган. Мактуб 5 августда ёзилган.
Ҳантсман кузда Ютага қайтмоқчи. У бу штатда ўз вақтида губернатор бўлганди ва яна губернаторлик кампаниясини бошламоқчи.
Жон Ҳантсман АҚШнингв РФдаги элчихонасига 2017 йилнинг 3 октябридан буён бошчилик қилиб келаётганди.