Австралияда полиция машинасини уриб қочган автомобиль ичидан 140 млн долларлик гиёҳванд модда топилди

Австралияда полиция 140 млн долларлик метамфетамин гиёҳвандлик воситасини олиб кетаётган фургон ҳайдовчисини қўлга олди, деб хабар берди CNN.
Маълум бўлишича, Сиднейда йўл четида турган полиция автомобилига юк машинаси келиб урилган ва воқеа жойидан яширинган.
Орадан бир соат ўтгач, полициячилар воқеа айбдорини тўхтатишган. Фургонни кўздан кечирган полициячилар унинг ичида қиймати 140 млн долларлик 273 кило метамфетамин борлигини аниқлашган. 
Аввалроқ Австралия полицияси Таиланддан келтирилган 1,6 тонна метамфетаминни аниқлашганди. Қиймати 840 млн долларлик гиёҳвандлик воситалари ҳамда 37 кг героин Мельбурнга стереодинамиклар ичида келтирилган.