Ҳиндистонда туғилган “уч бошли” чақалоқ шифокорларни ўйлантириб қўйди

Ҳиндистонда шифокорлар кам учровчи касалликдан азият чекувчи “уч бошли” боланинг дунёга келганидан бошлари қотди. Бу ҳақда The Sun нашри хабар берди.

Қиз чақалоқ 11 июлда Уттар-Прадеш штатида дунёга келган. Шифокорлар унда энцефалоцеле – мия ва бош чаноғи рифожланишининг туғма нуқсонини аниқлашган, бунда мия моддасининг бир қисми бош чаноғидан ташқарида бўлади. Суяк тўқимасининг ушбу нуқсони сабабли чақалоқнинг энса қисмидан яна 2 та бош ўсаётгандек тасаввур пайдо бўлган.

Шифокорларнинг таъкидлашича, онанинг ҳомиладорлиги асоратларсиз кечган. Айни вақтда чақалоқда бундай аномалиянинг пайдо бўлишига нима сабаб бўлгани аниқлаштирилмоқда. “Бу жуда кам учровчи касаллик. Боланинг танаси охиригача ривожланмаган. Биз МРТ ўтказамиз, сўнгра операция орқали ортиқча “бошлар”ни олиб ташлаймиз”, деб айтганлар шифокорлар.