Порошенко Европарламент мажлислар залига киритилмади

Украинанинг собиқ президенти Пётр Порошенко Европарламент мажлислар залига киритилмай, галёркага жўнатилди. Бу ҳақда Strana.ua нашри хабар берди. 
Воқеа 17 июлда бўлиб ўтган. Нашрда таъкидланишича, шу куни Порошенко Украинанинг давлат терговлар бюросига жиноий даромадларни ювиш иши бўйича сўроққа бориши керак бўлган. ОАВда, шунингдек, Порошенко Европарламентга таклиф қилинган меҳмонлар рўйхатида йўқлиги ҳақида хабар пайдо бўлган. 
Украинанинг собиқ президенти 16 июлда Страсбургга европалик депутатлар ва Европа Иттифоқининг янги раҳбарлари орасида ўзига иттифоқдошларнинг “кучли гуруҳи”ни шакллантириш учун боришини эълон қилган. Бироқ Strana.ua Порошенконинг галёркада ўтиргани суратини эълон қилган. 
Ҳозир Страсбургда Европарламентнинг янги чақириғининг биринчи сессияси бўлиб ўтмоқда.