Дар Ҷалолобод як марзбони қирғиз худро паронд
Феълан таҳқиқи ин ҳодиса ҷараён дорад. Пизишкон вазъи саломатии марзбонро мӯътадил арзёбӣ мекунанд
Хадамоти давлатии марзбонии Қирғизистон хабар медиҳад, ки як сарбози қаторӣ аснои адои хидмат худро парондаст.
Ба иттилои манбаъ, ҳодисаи мазкур имрӯз, 5 - уми январ дар вилояти Ҷалолободи ин кишвар рух додаст.
Марзбон худро аснои дар наряд истодан аз пояш парондаст. Феълан сабаби ба ин амал даст задани номбурда номаълум аст.
Пизишкон вазъи саломатии сарҳадбонро мӯътадил арзёбӣ мекунанд.
Манбаъ меафзояд, айни замон аз рӯи ин ҳодиса тафтишот идома дорад.
Комментарии (0)