Зане, ки писари 7-cоларо дар пойтахт кушту фирор кард, боздошт шуд

Ба иттилои манбаъ, гумонбар дар дачаҳои ҳудуди ноҳияи Варзоб боздошт шудааст.

"Ҳоло ки фасли истироҳат нест, ӯ дар яке аз дачаҳои беодам пинҳон шудааст, ки маъмурини пулис боздошт карданд. Ҳоло ӯ дар бозпурсӣ буда, пас аз ду-се рӯз барои нишондод додан мебаран",-афзуд ин хеши кӯдаки кушташуда

 Як манбаъ, аз Раёсати Вазорати корҳои дохила дар Душанеб бо таъйиди ин хабар гуфт, Муборак Абдураҳмонова боздошт шуда, дар ҳабси пешакӣ қарор дорад.

Ба иттилои манбаъ, парвандаи боздоштшударо прокуратура ҳоло пеш мебарад.

Қаблан Сухангӯи ВКД Нусратулло Маҳмадзода ба Sputnik Тоҷикистон  гуфта буд, ки ҳодисаи куштор ҳодисаи куштори писараки синфи 1-уми мактаби рақами 50- и пойтахт Аҳмадҷон Абдураҳмонов дар кӯчаи Олег Кошевойи Душанбе снаи 5 март рух додааст.

Ба гуфтаи шоҳиди қазия, ҳодиса рӯзи 5 март вақте рух дод, ки писарак аз мактаб бармегашт. Гумонбаршаванда бо роҳи фиреб Аҳмадҷонро ба манзилаш, ки дар ҳамсоягии хонаи хонаводаи марҳум қарор дорад, даъват кард ва бино бар наворҳои камераҳои мушоҳидавӣ баъди 10 дақиқа аз манзил берун ва нопадид шуд.

Баъди чанд соат ҷисми беҷони кӯдакро аз манзили зан пайдо карданд.


Ба гуфтаи яке аз хешовандони кӯдак, рӯзи панҷум писарак пас аз дарс бояд ба хона бармегашт, аммо наомад. Пайвандонаш ӯро тӯли се соат, аз соати 14 то 17 ҷустуҷӯ карданд, ки бенатиҷа буд.

Дар ҳамин ҳол, баъди чанде ҷисми беҷони кӯдакро амаки падараш аз манзилаш пайдо кардааст. Зани мард писаракро ба хона дароварда бурдааст.

Ба гуфтаи узви хонаводаи марҳум , камераҳои мушоҳидавӣ сабт кардаанд, ки чигуна гумонбаршаванда, ҳамсоя ва хешованди хонавода Муборак Абдураҳмонова писаракро ба манзилаш медарорад ва баъди даҳ дақиқа худ берун шудаву меравад.

Ӯ меафзояд, ҳодиса пас аз зӯҳри 5 март, вақте Аҳмадҷони 7-сола аз мактаб бармегашт, рух дод.