Тоҷикистон дар рейтинги ҷаҳонии маҳорати англисидонӣ ҷойи аз ҳама охиринро гирифт
Тоҷикистон дар раддабандии ҷаҳонии сатҳи дониши англисӣ аз сад ҷои имконпазир садумро гирифт, аммо аз ҳамсоягонаш дар Осиёи Марказӣ чандон қафо намонд
Тоҷикистон дар зинаи охирини раддабандии EF Index Proficiency Index (EF EPI) 2020 қарор дорад.
Дар маҷмӯъ, рейтинг 100 кишварро дар бар мегирад, ки ҷойҳо дар байни онҳо аз рӯи натиҷаҳои санҷиши зиёда аз 2 миллион нафар одамони синнашон аз 18 боло тақсим карда шудаанд.
Ҳамзамон, якҷоя бо Тоҷикистон, Қирғизистон, Узбакистон ва Афғонистону Қазоқистон ба категорияи "Сатҳи хеле паст" шомил карда шудаанд.
Дар Туркманистон ягон омӯзиш гузаронида нашудааст.
Гузоришгарон ба сегонаи беҳтаринҳои аввал, ки дониши беҳтарини забони англисӣ нишон додаанд, Ҳолланд, Дания ва Финландияро шомил кардаанд.
Русия дар ин рейтинг ба зинаи 41-ум баромадааст.
Тибқи ин таҳқиқот гуфта мешавад, сатҳи миёнаи дониши англисӣ дар саросари ҷаҳон беҳтар шуда истодааст.
Комментарии (0)