Путин бо раисҷумҳури Қирғизистон дар Оренбург дидор мекунад
Дидор ва мулоқоти раисҷумҳурони Русия ва Қирғизистон дар доираи размоиши ҳарбии "Марказ - 2019" сурат мегирад
Интизор меравад, дар вилояти Оренбурги русия раисҷумҳури ин кишвар Владимир Путин бо ҳамтои қирғизи худ Сооронбей Жээнбеков дидор ва гуфтугӯ мекунад, хабар медиҳад котиботи президенти Русия.
Сухангӯйи дафтари матбуоти президент Дмитрий Песков мегӯяд, дидори раисҷумҳурон рӯзи 20 - уми сентябр баргузор хоҳад шуд.
Маврид ба зикр аст, ки қаблан раисҷумҳури Русия Владимир Путин изҳор намуда буд, ки аз рафти тамрини низомии "Марказ - 2019" бевосита худаш омада дидан мекунад.
Дар размоишгоҳи Оренбург феълан беш аз 128 ҳазор низомиён аз кишварҳое чун, Тоҷикистон, Узбакистон, Ҳиндустон, Қазоқистон, Қирғизистон, Хитой ва Покистон тамрини ҳарбӣ гузашта истодаанд.
Размоиши "Марказ - 2019" рӯзи 21 - уми сентябр анҷом меёбад. Зимни тамринот истифода аз 20 ҳазор техникаю силоҳ, ҳудуди 600 ҳавопаймо ва 15 киштӣ дар назар аст.
Комментарии (0)