Рустами Эмомалӣ дар Ӯзбекистон. Мулоқот бо Шавкат Мирзиёев ва тақдими нишон барои “Хидмати фидокорона”

Рустами Эмомалӣ, раиси Маҷлиси миллии Тоҷикистон ва шаҳрдори Душанбе дар доираи сафари расмӣ ба шаҳри Тошканд бо Шавкат Мирзиёев, раисҷумҳури Ӯзбекистон мулоқот кард. Пас аз вохӯрӣ, ба шаҳрдори Душанбе барои саҳми арзанда дар рушди муносибатҳои дӯстӣ, ҳусни ҳамҷаворӣ, шарикии роҳбурдӣ ва ҳампаймонии Тоҷикистону Ӯзбекистон нишон тақдим гардид.

Рустами Эмомалиро дирӯз, 4-уми ноябр дар фурудгоҳи байналмилалии «Тошканд-Ҳумо» муовини якуми раиси Маҷлиси олии Ӯзбекистон, ҳокими Тошканд ва дигар намояндагони расмӣ истиқбол гирифтанд.

Ҳамон рӯз шаҳрдори Душанбе ба нишони эҳтиром ба таърих ва давлатдории миллии Ӯзбекистон дар назди муҷассамаи «Истиқлолият» гулчанбар гузошт.
                    

»Дар бахши иқтисодӣ масъалаҳои густариши гардиши савдои дуҷониба, ҷалби сармоягузориҳои мустақим ва рушди ҳамкорӣ дар соҳаи сӯзишворию энергетикӣ баррасӣ гардид. Ҳамчунин, рушди ҳамкории фарҳангию гуманитарӣ, бахусус, дар соҳаи маориф, муҳим шуморида шуд», — омадааст дар хабари расмӣ.

                                         
Дар охири ин мулоқот, Шавкат Мирзиёев ба Рустами Эмомалӣ барои саҳмаш дар рушди муносибатҳои ду кишвар нишони «Хидмати фидокорона» тақдим кардааст
                     Бо раиси Маҷлиси олии Ӯзбекистон чӣ гуфт?Рустам Эмомалӣ дар Тошканд ҳамчунин, бо Танзила Нарбаева (Норбоева), раиси Маҷлиси Олии Ӯзбекистон, мулоқот кард. Баъд аз мулоқоти алоҳидаи роҳбарони палатаҳои болоии Маҷлиси олии ду кишвар музокироти васеъ бо иштироки ҳайатҳои Маҷлиси олии Тоҷикистону Ӯзбекистон баргузор шудааст.Мехоҳед «Азия-Плюс"-ро дар Google бештар бинед? Моро ба манбаъҳои афзалиятнок илова кунед.
Ҷонибҳо масъалаҳои таҳким ва густариши ҳамкориҳои байни Маҷлиси олии ду кишварро баррасӣ кардаанд. Дар мавзӯи рушди муносибатҳои шарикии роҳбурдӣ ва ҳампаймонӣ низ гуфтугӯ шудааст.
                    Рустами Эмомалӣ бо лоиҳаи «Тошканди нав» шинос шудДар идомаи сафар, Рустами Эмомалӣ аз Маркази тамаддуни исломӣ дар Тошканд боздид кардааст. Ӯ бо тарҳи меъмории Марказ, толорҳои намоишии осорхона ва маводи илмие, ки мероси таърихӣ, маънавӣ ва зеҳнии тамаддуни исломиро инъикос мекунанд, шинос шудааст.                                                                    

Ӯ ҳамчунин бо нақшаи кулли лоиҳаи шаҳрсозии «Тошканди нав» шинос гардидааст. Ба гуфтаи манбаъ, ин лоиҳа яке аз ташаббусҳои назарраси шаҳрсозии Ӯзбекистон аст ва барои ташаккули маркази нави муосири шаҳрӣ, фароҳам овардани шароити мусоид барои зиндагӣ ва рушди устувори зерсохтори шаҳрӣ амалӣ мешавад.                                                                                   
Сафари Тошканд дар моҳи декабри соли 2019 яке аз нахустин сафарҳои расмии ӯ ба ҳайси шаҳрдори Душанбе ба хориҷ ба ҳисоб мерафт ва соли 2020 ӯ бо вазифаи раиси Маҷлиси миллӣ ба Русия сафар кард.

Баъдан Рустами Эмомалӣ ба чанд кишвари дигар низ сафари расмӣ анҷом додааст. Моҳи марти соли 2022 ӯ ба Озарбойҷон рафта буд, моҳи августи соли 2023 дар Чин меҳмон шуд ва дар ибтидои соли 2024 дар Эрон бо раисҷумҳури он кишвар мулоқот кард.

Дар охири моҳи майи соли 2025 дар Маскав бо Владимир Путин ва Валентина Матвиенко мулоқот кард ва моҳи августи ҳамон сол дар Қазоқистон, баъд аз мулоқот бо Қосимҷомарт Тоқоев, бо ордени «Дӯстӣ"-и дараҷаи дуюм сарфароз гардонида шуд.

Сарчашма: asiaplus.news