Инфиҷори навбатӣ дар Кобул ҷони 8 нафарро рабуда 30 тани дигарро маҷрӯҳ кард

Масъулияти ҳамлаи интиҳориро ҷангиёни Ҷунбиши Толибон бар ӯҳда гирифтанд

Субҳи имрӯз назди бинои Раёсати амнияти милли Афғонистон дар шаҳри Кобул мошини бомбгузоршуда мунфаҷир шудаст, хабар медиҳад РИА Новости.

Бар хабари манбаъ, дар натиҷаи таркиши мазкур дасти кам 8 нафар ҷони худро аз даст доданд.

Тибқи гузоришҳои ахир бар асари таркиш  беш аз 30 нафар ҷароҳат бардоштанд.

Феълан макони таркишро кормандони пулис муҳосира намудаанд ва гуфта мешавад 12 адад мошин, ки дар гириди бинои мазкур қарор дошта буданд, корношоям гардиданд.

Зимнан хабар дода мешавад, ки Шоҳшакдарра, ки ҳадафи ҳамлаи толибон қарор гирифтаст дар ин макон дафтари НАТО, сафорати Амрико ва чанд идораи давлатӣ воқеъ аст.

Пас аз сар задани ҳамлаи интиҳорӣ ҷангиёни Толиб масъулияти ҳамалотро ба уҳда гирифтанд.