Кремль можаро бугуноқ тугаши мумкинлигини айтди, Украина эса уни қишгача якунламоқчи

Зеленский идораси раҳбари Кирилл Буданов* можарони қишгача тўхтатиш мақсади реал эканини айтди. Кремль эса ўз шартини маълум қилди.

Владимир Зеленский ўз жамоасига можарони имкон қадар тезроқ тўхтатишга ҳаракат қилиш бўйича топшириқ берган. Бу ҳақда Украина президенти идораси раҳбари Кирилл Буданов* «Хавфсизлик архитектураси» халқаро форумида маълум қилди.Будановнинг* сўзларига кўра, Киев учун мақсад — ҳарбий ҳаракатларни қишгача тўхтатишга эришиш."Бу президентнинг топшириғи — ушбу можарони имкон қадар тезроқ тўхтатишга ҳаракат қилиш. Имкон бўлса, қишгача«, — деди у.

Унинг таъкидлашича, бу мақсад „тўғри, ўз вақтида ва ўйланган“ қарор ҳисобланади. Буданов*, шунингдек, Украинада бунга эришиш учун имкониятлар борлигини, аммо Россия можарони тўхтатишдан бош тортиши мумкинлигини ҳам истисно қилмади."Reuters« хабарига кўра, Буданов* қишгача тинчлик келишувига эришишни „реал“ деб баҳолаган. У АҚШ делегацияси яқин вақтда Москва ва Киевга ташриф буюриши мумкинлигини ҳам айтган.Россия томони эса можарони якунлаш учун ўз шартини маълум қилди. Россия президенти матбуот котиби Дмитрий Песковнинг айтишича, можаро „кун охиригача ҳам“ тугаши мумкин, агар Киев Украина Қуролли кучларига Россия минтақалари ҳудудидан чиқиш бўйича буйруқ берса."Бунинг учун Зеленский ўз қуролли кучларига Россия минтақалари ҳудудини тарк этиш бўйича буйруқ бериши керак«, — деди Кремль вакили.