Россия ҳарбийлари Запорожье вилоятидаги Верхняя Терсани озод қилди

Қишлоқ Украина армиясининг муҳим логистик ва мудофаа чизиғи бўлган.

Россия ҳарбийлари Запорожье вилоятидаги Верхняя Терса қишлоғини озод қилди. Бу ҳақда Россия Мудофаа вазирлиги хабар берди.«Кеча „Шарқ“ қўшинлари гуруҳи бўлинмаларининг фаол ҳужумкор ҳаракатлари натижасида Верхняя Терса аҳоли пункти озод қилинди», — дейилган хабарда.Идоранинг аниқлик киритишича, бу Украина армиясининг муҳим логистик ва мудофаа чизиғи бўлган. Украина қишлоқ учун жангларда иккитидан зиёд ротасидан айрилган. «Шарқ» жангчилари 12,5 км квадрат ҳудудни назоратга олишга муваффақ бўлган.