Умеров, Богдан, Ермак ва Буданов*: Зеленский атрофида ички кураш авж олди

"Миндич плёнкалари« Украина ҳокимияти ичидаги зиддиятларни кучайтирди: Умеровни истеъфога чақиришмоқда, Богданга санкция киритилди, Ермак эса Будановга* қарши медиакампания бошлагани айтилмоқда.

Украинада „Миндич плёнкалари“ атрофидаги коррупция можароси Зеленский атрофидаги ички курашни кучайтирди. РИА Новости манбасига кўра, Зеленский офисининг собиқ раҳбари Андрей Ермак амалдаги офис раҳбари Кирилл Будановга* қарши медиакампания бошлаган.Шу билан бирга, Зеленскийнинг яна бир собиқ офис раҳбари Андрей Богдан санкциялар рўйхатига киритилди, Рустем Умеровни эса Миллий хавфсизлик ва мудофаа кенгаши котиблигидан кетказишга чақиришмоқда.Бундан аввал Украина Мудофаа вазирлиги ҳузуридаги жамоатчилик антикоррупция кенгаши ҳам Умеровни лавозимидан четлатишга чақирган. Кенгаш унинг Миндич билан FirePoint улушини сотиш масаласини муҳокама қилгани ҳокимиятни суиистеъмол қилиш ва давлат сирларини ошкор этиш аломатларига эга бўлиши мумкинлигини билдирганМожаро фонида Умеровга нисбатан босим кучайди. Зеленский партияси ҳисобланган „Халқ хизматкори“ фракцияси депутати Фёдор Вениславский Умеровни Миллий хавфсизлик котиби лавозимидан озод этиш „оқилона сиёсий қарор“ бўлишини айтди.

»Миндич плёнкалари« фақат Умеров атрофидаги можаро билан чекланмади. „Украинская правда"нинг иккинчи қисмида мудофаа шартномаларидан ташқари, «Sense Bank» ва «Карпатнефтехим» каби активлар атрофидаги таъсир масаласи ҳам тилга олинган. Нашрга кўра, Россия билан алоқалар сабаб давлат назоратига ўтказилиши керак бўлган айрим активлар амалда Ермак ва Миндичга яқин шахслар таъсирига тушган бўлиши мумкин.