Трамп: "Криштиану Роналду менга қўнғироқ қилди"

АҚШ президенти Дональд Трамп ижтимоий тармоқларда муҳим хабар қолдирди. Трампнинг сўзларига кўра, унга яқинда Жаҳон чемпионати — 2026 қуръа ташлаш маросимида ФИФА томонидан тинчлик мукофоти топширилганидан сўнг, Криштиану Роналду қўнғироқ қилган.

Маълумки, яқинда Трамп Роналдуни Оқ уйда қабул қилган эди. «Криштиану Роналду — буюк футболчи!

У менга қўнғироқ қилиб, Оқ уй ва Овал кабинет бўйлаб экскурсия учун миннатдорчилик билдирди. Ажойиб инсон — нафақат спортчи сифатида, балки инсон сифатида ҳам. Бундай одам бўлиш қийин!» — деб ёзди Трамп.

Шунингдек, Роналдунинг ўзи ҳам аввалроқ АҚШ президентининг турли ҳудудларда тинчликни ўрнатиш бўйича олиб бораётган саъй-ҳаракатларидан ҳайратга тушганини билдирган эди.

Криштиану Роналду Пирс Морган билан суҳбатда бутун сайёрада одамлар тинчликда яшашини орзу қилишини таъкидлаган.