Зеленский Радага қарши. У инаугурацияси вақтида парламентни тарқатиб юборишини эълон қилди

Украина президенти Владимир Зеленский Олий радани тарқатиб юборишини эълон қилди. У бу ҳақда ўзининг инаугурацияси вақтидаги нутқида гапирди.
Украина президенти лавозимига киришган Владимир Зеленский қасамёд қабул қилганидан кейин Олий Рада тарқатиб юборилишини маълум қилди. Маросим «Прямой» телеканали орқали трансляция қилинмоқда.
Президент парламентга икки ой муддат берган, парламентдан қатор қонунларни кечиктирмасдан қабул қилишни (ноқонуний бойлик орттириш учун жавобгарликни қайтарш ва сайлов қонунчилигига ўзгартиришлар киритиш), Хавфсизлик хизмати раҳбари, бош прокурор ва мудофаа вазирини истеъфога чиқаришни сўраган.
У шунингдек, Украинанинг амалдаги ҳукуматига истеъфога чиқишни таклиф қилган, депутатларнинг дахлсизлиги тўғрисидаги қонунни бекор қилишга кўрсатма берган.
Зеленский шунингдек, Донбассдаги зиддиятни барқарорлаштириш ва ўт очишни тўхтатиш бўйича мулоқотларга тайёрлигини маълум қилган.