Хитой АҚШни Пекинга қарши ҳаракатларда “жуда чуқур кетмасликка” чақирди

Хитой ташқи ишлар вазири Ван И АҚШ давлат котиби Майк Помпео билан телефон орқали мулоқот чоғида Вашингтоннинг Пекинга нисбатан охирги ҳаракатлари муносабати билан норозилик билдирди ва "жуда чуқур кетмасликка" чақирди. Бу ҳақда ХХР ташқи ишлар вазирлиги хабарида айтилади.
Хитой вазири кейинги пайтда Америка томони турли ҳаракатлар ва баёнотлар билан, хусусан Хитой компаниялари фаолиятига сиёсий усуллар орқали таъсир кўрсатиб Хитой манфаатларига зиён етказаётганлигини қайд этган.
"Хитой томони ушбу муносабат билан қатъий норозилик билдиради. Биз Америка томонини жуда чуқурлашиб кетмасликка чақирамиз", - дея иқтибос келтирилади Хитой ТИВ сайтида Ван Ининг сўзларидан.