Катта жосуслик жанжали: Nvidia раҳбари хитойлик агент билан муносабатда гумонланмоқда

Сунъий интеллект инқилобининг мутлақ етакчиси ҳисобланган Nvidia корпорацияси ўз тарихидаги энг жиддий хавфсизлик инқирозига дуч келди. Британиянинг нуфузли The Financial Times нашри хабарига кўра, компания директорлар кенгаши бош ижрочи директор (CEO) Дженсен Хуанг Хитой махсус хизматларининг кенг кўламли разведка операцияси нишонига айлангани эҳтимоли юзасидан расмий ички текширув бошлади.

Кремний водийси ва глобал чип бозорини ларзага солган ушбу ҳолатга аллақачон АҚШ Федерал қидирув бюроси (ФҚБ) ва Конгресс аралашди.

Хуангнинг расмий иқрори ва Сингапур изиThe Financial Times маълумотларига кўра, Дженсен Хуанг компания жамоасига махсус мактуб йўллаб, никоҳдан ташқари шахсий алоқалари бўлганини очиқ тан олди. У юз берган ҳолат учун тўлиқ жавобгарликни ўз зиммасига олган ҳолда, оиласи ва компания ходимларидан самимий узр сўраган. Шу билан бирга, Nvidia директорлар кенгаши Хуанг текширув билан тўлиқ ҳамкорлик қилаётгани ва ҳозирча ўз лавозимида қолишини таъкидлади.

Тергов марказида турган шахс — Сингапурнинг Megaspeed компаниясига алоқадор тадбиркор аёл Элис Хуанг. АҚШ разведка хизматларининг хулосаларига кўра, у Хитой Давлат хавфсизлиги вазирлигининг (МГБ) махфий агенти бўлиб, АҚШнинг сунъий интеллект ва стратегик яримўтказгич технологиялари бўйича маълумотларни тўплаш билан шуғулланган.