Қуёшда олимлар кутмаган сирли ҳодиса илк бор тасвирланди

Олимлар Гавайидаги дунёнинг энг кучли Иноуе Солар Телескопе телескопи ёрдамида Қуёш юзасини тарихда илк бор мисли кўрилмаган аниқликда тасвирлаб, аввал кузатилмаган айланма гирдобларни қайд этди. Олимлар Келвин–Ҳелмҳолтз инстабилитй деб атаган бу ҳодиса турли тезликда ҳаракатланувчи газ қатламларининг силжиши натижасида кичик тебранишлар спиралсимон гирдобларга айланиши билан боғлиқ.

Олимлар дунёдаги энг қудратли Қуёш телескопи ёрдамида Қуёш юзасини тарихда биринчи марта мисли кўрилмаган аниқликда тасвирга олди. Янги фотосурат ва видеоларда илгари кузатилмаган сирли «гирдоблар» ҳамда магнит майдонининг ҳаракати акс этган. Мутахассислар фикрича, бу кашфиёт Қуёш фаолиятини чуқурроқ тушуниш ва Ерга таъсир қилувчи космик об-ҳавони аниқроқ башорат қилишга ёрдам беради.

Тадқиқотчиларнинг таъкидлашича, ушбу гирдоблар Қуёш юзасидаги иссиқ газлар ҳаракати натижасида магнит майдонининг буралиши орқали ҳосил бўлади. Айнан шу жараёнлар Қуёш чақнашлари ва бошқа кучли энергия чиқишларининг асосий манбаи ҳисобланади. Бундай космик об-ҳаво Ердаги электр тармоқлари, сунъий йўлдошлар ва ҳатто астронавтларга ҳам хавф туғдириши мумкин.

АҚШ Миллий Қуёш обсерваторияси (NSO) олими доктор Дэвид Бобольцнинг айтишича, Қуёш физикасини энг майда жараёнларигача ўрганиш космик об-ҳавони келажакда аниқроқ прогноз қилиш имконини беради.

Тадқиқот натижалари Nature журналида чоп этилди. Кашфиёт Гавайида жойлашган дунёдаги энг кучли Inouye Solar Telescope ёрдамида амалга оширилди. Қуёш юзасига яқиндан олинган тасвирларда аввал ҳеч қачон бундай аниқликда қайд этилмаган айланма гирдоблар кўринган.