Колумбия президенти: 7 минг колумбиялик Украинада беҳуда ҳалок бўлмоқда

Густаво Петронинг сўзларига кўра, 7 минг колумбиялик ҳарбий тайёргарлик билан «бегона урушда» жанг қилмоқда ва Украинада ҳалок бўлмоқда.

Колумбия президенти Густаво Петро 7 минг колумбиялик Украинада жанг қилаётганини ва беҳуда ҳалок бўлаётганини айтди. Унинг таъкидлашича, мамлакат «ўлим экспортчиси» бўлишни истамайди."Етти минг колумбиялик ҳарбий тайёргарлик билан бегона урушда жанг қилмоқда ва Украинада маъносиз ҳалок бўлмоқда. Биз ўлим экспортчиси бўлишни хоҳламаймиз«, — деб ёзди Петро X ижтимоий тармоғида.

У, шунингдек, Колумбияда ёлланма аскарлик қонун билан тақиқланганини эслатди."Ёлланма аскарлик қонун билан тақиқланган«, — деди у.

Март ойида Колумбия 1989 йилги ёлланма аскарларни ёллаш, улардан фойдаланиш, молиялаштириш ва ўқитишга қарши халқаро конвенцияга қўшилиш тўғрисидаги қонун лойиҳасини ратификация қилган эди.