ЕИ Россия билан музокаралар мавзусини 2022 йилдан бери илк бор очиқ муҳокама қилади

ЕИ ташқи ишлар вазирлари 27–28 май кунлари Россия билан эҳтимолий музокаралар мавзуларини муҳокама қилади. Москва ва Брюссель ўртасидаги сиёсий мулоқот 2022 йилдан кейин деярли тўхтаб қолган.

Европа Иттифоқи Россия билан эҳтимолий музокаралар мавзуларини муҳокама қилади. Бу ҳақда Европа дипломатияси раҳбари Кая Каллас маълум қилди, деб хабар берди РИА Новости.Калласга кўра, ЕИ ташқи ишлар вазирлари 27–28 май кунлари бўлиб ўтадиган учрашувда Россия билан эҳтимолий мулоқотда қандай мавзулар кўтарилиши мумкинлигини келишиб олади."Биз аввал ўзимиз нима ҳақида гаплашишимизни муҳокама қилишимиз керак. Шунинг учун май охирида учрашув ўтказамиз ва таклифларни кўриб чиқамиз«, — деган у.

Мазкур муҳокамалар Украина можароси фонида ўтказилиши кутилмоқда. Россия ва Европа Иттифоқи ўртасидаги сиёсий мулоқот 2022 йилдан кейин деярли тўхтаб қолган эди.