Трамп Россияга "иқтисодий уруш" билан таҳдид қилди

АҚШ президенти Дональд Трамп Россия ва Украина ўртасидаги муаммолар ҳал этилмаса, Москвага нисбатан «иқтисодий уруш» бошлашга тайёрлигини айтди.

Оқ уйда ўтган йиғилишда у бу масала юзасидан журналистларнинг саволларига жавоб берди. Трампнинг таъкидлашича, у Учинчи жаҳон урушига йўл қўймайди.

«Мен бу жараённи тўхтатиш тарафдориман. Бу глобал урушга айланмайди, аммо иқтисодий уруш бўлади. Бу эса жуда оғир жараёнга айланиши мумкин, Россия учун ҳам катта салбий оқибатлар келтиради. Лекин мен бундай ҳолатни истамайман», — деди президент.