Сербия Эроннинг 20 000 та камикадзе дронига буюртма берди

Сербия Ташқи ишлар вазирлиги делегацияси Теҳронга ташрифи чоғида Эронга 20 минг дона Shahed-136 камикадзе-дронига буюртма берди. Бу ҳақида Сербиянинг EttoBA портали хабар қилди.

Маълум қилинишича, Сербия делегациясига ташқи ишлар вазири ўринбосари Горан Алекшич бошчилик қилган ва у эронлик ҳамкасби Али Багёри билан музокара ўтказган.

Шунингдек, учрашув чоғида турли соҳалардаги ҳамкорликни ривожлантириш, жумладан, икки давлат ўртасидаги товар айирбошлашни кенгайтириш масалалари муҳокама қилинди.

Июль ойида Эрон Shahed-149 дронининг модернизация қилинган версиясини тақдим этганди.

Маълумотларга кўра, дроннинг янгиланган версияси янги қўниш мосламаси тизими ва қурол осма блоки билан жиҳозланган.