Сербия тезлаштирилган тартибда руслар ва украиналикларга фуқаролик беради
Сербия президенти Александр Вучич республикада ишчи кучи етарли эмаслиги сабабли бундай чоралар қўлланганини айтди.
Сербия тезлаштирилган тартиб асосида руслар ва украиналикларга фуқаролик бермоқчи. Бу ҳақда пайшанба куни республика президенти Александр Вучич RTS телеканалига берган интервюсида айтиб ўтди:
«Энди биз украиналикларга, русларга ва бундан манфаатдор бўлганларга тезлик билан фуқароликни берамиз, чунки бизда ишчи куч етишмайди», деди у. Бошқа аризачиларга Сербия фуқаролигини беришда ҳам худди шундай шартлар бажариладими, деган саволга президент «йўқ», деб жавоб берди.
Аввалроқ, сўнгги тўққиз ой ичида 104 мингдан ортиқ Россия фуқароси Сербияда бир йил муддатга яшаш учун рухсатнома олгани, бироқ республикада уларнинг сони кўпроқ эканлиги хабар қилинганди. Улар асосан IT соҳаси мутахассислари. Маҳаллий телевидениянинг 14 декабрь куни хабар беришича, худди шу даврда 18 минг украиналик Сербияда қочқин мақомини олган.
Апрель ойида россияликларга тегишли ёки Россия иштирокидаги 86 та компания ва 202 та якка тартибдаги тадбиркор Россия Федерациясига қарши Ғарб санкциялари муносабати билан Сербияда ўз бизнесини рўйхатдан ўтказди. Худди шу даврда Украинадан бешта компания ва бир якка тартибдаги тадбиркор рўйхатга олинди.
манба:zamin.uz
Сербия тезлаштирилган тартиб асосида руслар ва украиналикларга фуқаролик бермоқчи. Бу ҳақда пайшанба куни республика президенти Александр Вучич RTS телеканалига берган интервюсида айтиб ўтди:
«Энди биз украиналикларга, русларга ва бундан манфаатдор бўлганларга тезлик билан фуқароликни берамиз, чунки бизда ишчи куч етишмайди», деди у. Бошқа аризачиларга Сербия фуқаролигини беришда ҳам худди шундай шартлар бажариладими, деган саволга президент «йўқ», деб жавоб берди.
Аввалроқ, сўнгги тўққиз ой ичида 104 мингдан ортиқ Россия фуқароси Сербияда бир йил муддатга яшаш учун рухсатнома олгани, бироқ республикада уларнинг сони кўпроқ эканлиги хабар қилинганди. Улар асосан IT соҳаси мутахассислари. Маҳаллий телевидениянинг 14 декабрь куни хабар беришича, худди шу даврда 18 минг украиналик Сербияда қочқин мақомини олган.
Апрель ойида россияликларга тегишли ёки Россия иштирокидаги 86 та компания ва 202 та якка тартибдаги тадбиркор Россия Федерациясига қарши Ғарб санкциялари муносабати билан Сербияда ўз бизнесини рўйхатдан ўтказди. Худди шу даврда Украинадан бешта компания ва бир якка тартибдаги тадбиркор рўйхатга олинди.
манба:zamin.uz
Комментарии (0)