Порошенко стадионга гиёҳвандликни текширишга таҳлил топширгани келди

Украина президенти Пётр Порошенко Киевдаги “Олимпийский” стадионига Кўнгилли аксилдопинг уюшмаси (VADA) вакилларига гиёҳвандлик ва ичкиликбозликни текширишга таҳлил топширгани келди. 
10 апрелда украиналик боксчи Владимир Кличко Украина президенти лавозимига номзодлар Пётр Порошенко ва Владимир Зеленскийни стадионда таҳлил топширишга чақирганди. VADA вакили доктор Анжела Сильва мутахассислар таҳлил ўтказиш учун номзодлардан намуналар олишга тайёрликларини маълум қилган. 
Ушбу ҳодисанинг телевидение орқали намойишидан Порошенко стадионнинг тегишли хонасига йўл олгани маълум бўлган. Порошенко таҳлилларни топширгач матбуот анжуман ўтказишни режалаштирмоқда. 
Аввалроқ Зеленский Порошенконинг сайловларнинг 2-босқичи олдидан дебатлар ўтказишга чақириғини дебатлар номзодлар таҳлил топширганларидан кейин Киевдаги стадионда ўтиши шарти билан қабул қилган. У ўзининг шартини президентликка номзод соғлом бўлиши лозимлиги билан тушунтирган.
Шундан кейин икки номзод турли лабораторияларда таҳлиллар топширишган ва натижалар “манфий” чиққан. Кличко иккала номзодга Жаҳон аксилдопинг агентлигида ичкиликбозлик ва гиёҳвандликка тестдан ўтишни таклиф қилган. Порошенко бунга рози бўлган, бироқ Зеленский штабида бундан бош тортилган.