Теҳрондаги аэропортда бортида 100 киши бўлган самолётга ўт кетди
Эрон пойтахти Теҳрондаги Меҳробод халқаро аэропортида йўловчи самолётга ўт кетди. Бу ҳақда FARS’га иқтибос келтирган ҳолда “Рейтер” ахборот агентлиги хабар берди. Маълум қилинишича, 50 га яқин йўловчини эвакуация қилишга муваффақ бўлинган, яна 50 киши самолётда қолмоқда. Воқеа жойига авариявий-қутқарув хизматлари етиб келган.
PressTV телеканалининг маълум қилишича, воқеа қўниш вақтида юз берган. Унинг оқибатида ҳеч ким жабрланмаган. Бошқа тафсилотлар берилмаган.
Меҳробод аэропорти Теҳрондаги икки аэропортдан бири ҳисобланади.
Комментарии (0)