Хитой ҳарбий бюджетни 177 млрд долларга етказишга қарор қилди

Хитой ҳукумати 2019 йилда миллий мудофаага харажатларни 177,6 миллиард долларга етказишни режалаштирмоқда. Бу ҳақда ТАСС хабар берди.
Агентлик маълумотларига кўра, ўтган йили Хитойнинг ҳарбий бюджети 175 миллиард долларни ташкил қилган.
Қайд этилишича, Хитой Халқ Республикасининг 2017 йилда миллий мудофаага харажатлари деярли 152 миллиард долларга етганди.
Шу билан бирга, экспертларнинг фикрича, Хитой мудофааси учун реал харажатлар 25-50 фоизга юқорироқ бўлиши мумкин.
Эслатиб ўтамиз, аввалроқ хитойлик ҳарбийлар магнитланган плазмада ишловчи артиллерия қурилмаси синовини ўтказишаётгани хабар қилинганди.