Бразилиядаги автоҳалокат 37 кишининг умрига зомин бўлди

Бразилиянинг Сан-Паулу штатида жойлашган Тагуаи шаҳрида юз берган автоҳалокатда 37 киши ҳалок бўлди, яна 15 киши жароҳатланди. 25 ноябр маҳаллий вақт билан соат 7да автобус ва юк машинаси иштирокида тўқнашув юз берган. 

Йўл-транспорт ҳодисаси олисроқ ҳудудда юз берган. Таъкидланишича, у Сан-Паулу штатида жорий йилда юз берган энг йирик автоҳалокат бўлди.
Автобус тўқимачилик компаниясининг 52 ходимини олиб кетаётган бўлган.
Жароҳатланганлар яқин орадаги шифохоналарга етказилган. Автоҳалокат сабаблари аниқлаштирилмоқда. Полициянинг фикрича, фожиага бир транспорт воситасининг иккинчисини қувиб ўтишга уриниши сабаб бўлган. 

Воқеа жойида йўл полициясининг қутқарувчилари, ўт ўчирувчилар ва вертолётлар иш олиб борган. 
Тагуаи мэрияси фожиа муносабати билан 3 кунлик мотам эълон қилган.