Швецияда кекса ёшдагилар учун жорий этилган карантин бекор қилинди

Швецияда ёши 70дан ошган кексалар жамоат транспортида юрмаслиги ва жамоат жойларига бормаслиги лозим эди.

 Швеция кексалар учун жорий этилган карантинни тўхтатишга қарор қилди. Бу ҳақда Reuters хабар бермоқда.
 Кексаларни изоляция қилишни тўхтатиш бўйича тавсияларда изоҳланишича, ҳозирда мамлакатда коронавирус юқтириш даражаси баҳордагига нисбатан анча паст. Соғлиқни сақлаш агентлигининг қайд этишича, мамлакатда коронавируснинг иккинчи тўлқини аломатлари йўқ.
 Бунга қадар Швецияда ёши 70дан ошган кексалар жамоат транспортида юрмаслиги ва жамоат жойларига бормаслиги лозим эди. Швед пенсионерлари анча вақтдан буён карантинга риоя қилиб келишди, бу эса руҳий саломатлик билан боғлиқ муаммолар кўпайишига олиб келиши мумкин.  
 Швеция Евроиттифоқда коронавирус пандемияси сабабли қатъий чоралар киритмаган ягона мамлакат бўлди. Мамлакат ҳукуматининг таъкидлашича, шу йўл билан миллий иқтисодиётни салбий оқибатлардан сақлаб қолиш мумкин.