БМТ бош котиби АҚШга Эронга қарши санкцияларни тиклашни рад этди
БМТ бош котиби Антониу Гутерриш АҚШнинг мурожаатига кўра Эронга қарши санкцияларни тиклашни бошлай олмайди. Бу ҳақда Гутерришнинг БМТ Хавфсизлик кенгаши раисига йўллаган мактубида айтилган.
БМТ бош котиби Вашингтоннинг 20 сентябрда санкциялар қайтарилиши ҳақидаги 20 августда берган мурожаатига қарамай, БМТ Хавфсизлик кенгаши тегишли қарор қабул қилмаганини эслатиб ўтган. Бундан ташқари, Хавфсизлик кенгашининг кўпчилик аъзолари АҚШ Эрон билан ядро келишуви иштирокчиси эмаслигини ҳисобга олиб, санкциялар тикланишига қарши чиққан.
Гутерришнинг айтишича, 2231-сонли резолюцияда кўзда тутилган жараённи бошлаш борасида аниқлик йўқлиги сабабли бирор-бир ҳаракатни амалга ошира олмайди.
19 сентябрда АҚШ давлат котиби Майк Помпео БМТнинг Эронга қарши санкциялари халқаро ташкилотнинг норозилигига қарамай кучга кирганини маълум қилган. Помпео санкцияларни амалга ошириш бўйича мажбуриятларга амал қилмайдиган давлатлар жазоланишидан огоҳлантирган. Давлат котиби АҚШ яқин кунларда БМТ санкциялари амалга оширилишини мустаҳкамлаш ва Эронни жавобгарликка тортиш бўйича қўшимча чоралар эълон қилишини маълум қилган.
Эроннинг БМТдаги доимий вакили Мажид Тахт-Равончий Помпеонинг бу баёнотига изоҳ бериб, Хавфсизлик кенгаши аъзолари АҚШнинг Эронга қарши санкцияларни тиклаш ҳақидаги баёнотини рад этишларига умид билдирган.
2018 йилда Вашингтон Эрон билан ядро келишувидан чиқиб кетган. Шундан кейин АҚШ Эронга максимал босим ўтказиш кампаниясини бошлаган.
БМТ бош котиби Вашингтоннинг 20 сентябрда санкциялар қайтарилиши ҳақидаги 20 августда берган мурожаатига қарамай, БМТ Хавфсизлик кенгаши тегишли қарор қабул қилмаганини эслатиб ўтган. Бундан ташқари, Хавфсизлик кенгашининг кўпчилик аъзолари АҚШ Эрон билан ядро келишуви иштирокчиси эмаслигини ҳисобга олиб, санкциялар тикланишига қарши чиққан.
Гутерришнинг айтишича, 2231-сонли резолюцияда кўзда тутилган жараённи бошлаш борасида аниқлик йўқлиги сабабли бирор-бир ҳаракатни амалга ошира олмайди.
19 сентябрда АҚШ давлат котиби Майк Помпео БМТнинг Эронга қарши санкциялари халқаро ташкилотнинг норозилигига қарамай кучга кирганини маълум қилган. Помпео санкцияларни амалга ошириш бўйича мажбуриятларга амал қилмайдиган давлатлар жазоланишидан огоҳлантирган. Давлат котиби АҚШ яқин кунларда БМТ санкциялари амалга оширилишини мустаҳкамлаш ва Эронни жавобгарликка тортиш бўйича қўшимча чоралар эълон қилишини маълум қилган.
Эроннинг БМТдаги доимий вакили Мажид Тахт-Равончий Помпеонинг бу баёнотига изоҳ бериб, Хавфсизлик кенгаши аъзолари АҚШнинг Эронга қарши санкцияларни тиклаш ҳақидаги баёнотини рад этишларига умид билдирган.
2018 йилда Вашингтон Эрон билан ядро келишувидан чиқиб кетган. Шундан кейин АҚШ Эронга максимал босим ўтказиш кампаниясини бошлаган.
Комментарии (0)